Rannsóknir

Mörg fyrirtæki hér á landi verja umtalsverðu fjármagni á hverju ári í markasstarf. Misjafnt er hvernig því er háttað, hvort tímabundnar markaðsherferðir eru gerðar á ákveðnum tímum eða hvort sífellt og í raun samfelld skilaboð séu í gangi á markaðinum yfir allt árið. Hvernig sem því er háttað er nauðsynlegt að hafa eins góðar upplýsingar um markaðinn og mögulegt er. Góðar og haldbærar upplýsingar um stöðu merkja á markaði og kauphegðun neytenda getur án efa verið lykillinn að strategísku og vel hugsuðu markaðsplani þar sem markaðsefnið nær til markhópsins og er birt þeim í takt við þarfir þess.

Auglýsingamiðlun kaupir mikið magn af gögnum sem hægt er að nýta í þágu viðskiptavina okkur við mörkunarverkefni, strategíuvinnu, markhópargreiningar og auglýsinga- og birtingaherferðir. Þessi gögn eru helst:

• Fjölmiðlakannanir Capacent Gallup: Mælingar á lestri dagblaða, tímarita og ljósvakamiðla út frá helstu bakgrunnsbreytum.
• Auglýsingamarkaðurinn: Upplýsingar um hvaða miðla og fjölda birtinga mismunandi vörumerki nota í auglýsingastarfi sínu.
• Neyslu- og lífstílskönnun Gallups: Hér er um að ræða yfirgripsmikla rannsókn sem er framkvæmd einu sinni á ári. Hún veitir upplýsingar um lífsstílshópa, venjur og kauphegðun.

Nýlega tókum við í gagnið nýtt rannsóknartæki við ljósvakamælingar sem nefnist Infosys en þar getum við greint gögn úr svokölluðum PPM rafrænum mælingum. Þetta rannsóknartæki er gífurleg breyting frá því sem fyrir var en núna getum við greint áhorf og hlustun á dagskrá ljósvakamiðlanna aðeins nokkrum dögum eftir sýningu þeirra. 

Þessar mælingar gera okkur kleift að vinna gríðarlega mikilvægar upplýsingar um birtingar viðskiptavina okkar, keppinauta þeirra og hvernig áframhaldandi markaðsstarfi skal háttað. Þessu til viðbótar eru við til ráðgjafar um markaðsrannsóknir sem við kaupum annaðhvort af markaðsrannsóknarfyrirtækjum eða framkvæmum að einhverjum eða öllum hluta sjálf. Auk þessa nýtum við opinber gögn þegar það er mögulegt og vinnum frekar úr könnunum sem áður hafa verið gerðar. Við erum þeirrar skoðunar að oft sé vandamálið ekki skortur á markaðsupplýsingum heldur skortur á úrvinnslu þeirra upplýsinga sem fyrirtæki hafa þegar við hendina.